Mannan lávvordaga leai vuosttas čájáhus Lena Stenberge dáidagis Aerpies. Dat lea oassi dáidaguovddážis Slipvillan Långhomenis, Stuehkies. Moadde beaivvi maŋŋá oidne ahte soames leai riimmostan vašálaš áitagiid muhtin čájáhusáffiššaide. Earret iežá leai soames málen oaiveskálčču ja čállán ”Brigand” alit-fiskat teavsttain. ”Brigand”-sátni mearkkaša sullii bándihtajoavku ja lea rásittalaš sátni.

– Leai balddehahtti ja hui unohas oaidnit dan, dadjá Emma Göransson, dáiddalaš jođiheaddji Aerpies.

”Addá dorvvohis dovddu”

Čájáhusa namma lea ”Colors of Colonialism” ja galgá goviidit vuosttildeami, doaivvu vaikke kolonialisma lea váikkuhan ja sápmelažžat geat leat bággejuvvon heivehallat eallima nášuvnnalas rájiid jelgii.

– Lea dorvvohis dovdu ja mon hirpmástuvan go dákkár sáhttá dáhpáhuvvat. Dat lea váššiáita sápmelažžaid vuoste ja dovdu ahte leai jurddašuvvon sápmelažžaid vuoste.

Dáhpáhus lea ilmmohuvvon poliissaide.

– Sii válde dán hui duođalažžat ja galget guorahallat ášši, dadjá Göransson guhte ii šat dovdda oadjebašvuođa Slipvillan-báikkis.

– Dovdu ahte mii áitojuvvot ja mon in šat dovdda oadjebašvuođa dáppe Slipvillan-báikkis. Nu in leat ovdal dovdan.

Amnesty: Vašálaš áitagat lassánit

Amnesty juristta, Tilda Pontén, dadjá ná dáhpáhusa birra:

Jus lea duohta ahte dákkár čállágat mat gullojit olgešekstremalaš lihkadeamiide Ruoŧas ja mat leat oaivvilduvvon Ruoŧa vuosta, de lea hui duođalaš ášši ja dan ferte guorahallat dárkileappu, dadjá son.

Son maid oaivvilda ahte vaššiáitagat sápmelažžaid vuoste leat lassánan máŋemus jagiid.

– Dan maid leat gullan go ságastit sámi ovttasteadjiiguin lea ahte muhtin guovlluin Sámis vásihit eanet sápmelažžat lassánan rasisma, sihke vaššiáitagiid ja vaššiságat sosiála mediain. Danin oaidnit olu rasisma sámi álbmoga vuoste, dadjá Tilda Pontén.