Dán lávvordaga lea Västerbottenteáhteris vuosttasčájálmas kulturviesus Saras Skiellehtes. ”Go mii leimmet sápmelaččat” lea áigegirji ovtta sogas geat leat dáistalan máŋggaid duháhiid jagi vai seaillulii sin eallinvuohki.
Girječálli ja ráidosárgu Mats Jonsson govvida iežas ádjá guhte fertii vuollánit.
Earret teáhtervásáhusa ožžot geahččit maid govvideami sámi historrjás mii ii gávdno skuvlagirjjiiin.
”Čiegusvuođat doasas”
Dalle go Mats Jonssone áddjá vádjolii gávnnai bearaš reivve boares doasas Vösterbottena leana ”lappfogdes”. Doppe ledje maid rátkagovat ja boazomearkaduodastuš
Dalle oaččui Mats Jonssone diehtit ahte son gullo Málága vuovdesámi sohkii. Manin dát lea nu čiegus? imáštalai bearaš. Manin luhpe sápmelažžan? Dán birra lea sáhka girjjis ja bihtás.
Dáinna bihtás barga Västerbottenteáhter ovttas Åarjelhsaemien teatere Muoffies.
-Dat mii mu illudahtii eanemusta leai go ledje vuhtiiváldán dan leaikka girjjis. Dát lea hui duođalaš girji muhto das lea maid ollu leaika , muitala Mats Jonsson.
Eai leat goassege hupman lávddis
Lávddis leat vihtta neavttára mat muitalit historjjá ja muhtimin sii váldet musihkaveahki. Lávdegiella lea sihke ruoŧa- ja ubmisamegiella, ja diet máŋŋemus ii leat ovdal gullon lávddis.
-Dat lea buot stuorimus. Dáinnalágin loktet vuovdesámegiela ja kultuvvra lávddis lea buhtadus, dadja Mats Jonsson.
Vuosttascájálmas lea dál lávvordaga Skiellehtes ja galga cájehuvvot 20 báikkis miehtá Sámis.
Filmmas dás bajabealde muita Mats Jonsson movt son dovdá dál go lea vuosttasčájálmas bihtás mii govvida si ádjá eallima.