Sarah Olaussen ja dánska násti Nikolaj Coster-Waldau ovtta scenas ”Biru Unjárga – Føkkings Nesseby”-filmmas. Foto: Ymer Media

Biru Unjárga čájehuvvo ruoŧa bealde

Publicerad idag 12:03

Dan leat gohčudan vuosttaš sámi nuoraidfilbma.

Diibmá dat oaččui rámi Toronto filbmafestiválas – dan rájes lea filbma geasuhan olu geahččiid biográfaide Norggas.

Hede dat čájehuvvo Ruoŧas maid.

Filbmapreassa ealáskii maŋŋá ”Biru Unjárga – Føkkings Nesseby” vuosttaščájálmasa Toronto filbmafestiválas diibmá. Riikkaidgaskkasaš filbmaneahttasiidus Top Film čálle ahte váldorollaneavttára Sarah Olaussen Eira neaktin lei perfekšuvdna.

Filmmas lea mannán bures norgga bealde.

Davvisámegiella

– Bileahtat nohke moatti diimmus. Dan mii eat leat goassege vásihan, muitalii biográfahoavda Beathe Harila NRK:ai suolemasčájálmasa oktavuođas.

Suolemasčájálmas sámi álbmotbeaivvis

Hede čájehuvvo filbma ruoŧa bealde. Guovvamánu 7 beaivvi čájehuvvo filbma biográfain. Muhto beaivvi ovdal, sámi álbmotbeaivvis, lea suolemasčájálmas earret iežá Johkamohkis, Julevus, Ubmejis, Gironis, Staares, Malmöas, Stockholmmas ja Göteborges, dieđiha Sámerádio.

Filbma lea Elvira birra, guhte dovdá ahte son ii riibba ruoktobáikkis. Son niegada ahte beassa deaivat iežas dánska áhči – su eadni šattai áhpeheapme fertiliteahtaklinihkkas Dánmárkkus.

Dat lea muitalus gos earret iežá dánska násti Nikolaj Coster-Waldau, Game of Thrones, vuorddekeahttá neakta iežasa.

Davvisámegiella

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.