Máŋgasat guđđe sin sámi identitehta 1900- logus. Muhtin veagat manne nu guhkás ahte bolde sin sámi dávviriid go ledje šaddan gillát nu olu váivves dáhpáhusaid nu movt čeardabiologalaš dutkamušaid ja gieldima hupmat sámegiela skuvllas.
Muhto dál álget eanet ja eanet olbmot gávdnat gullevašvuođa fas. Okta dain lea Emma Björngard Basayne.
” Eanet ollislaš”
Son šattai bajás dieđekeahttá su áhku sámi ruohttasiid birra Vulatjeres- guovlui. Máttaráddjá lei boaldán veaga sámi dávviriid muhto áhkku lei vurken ovtta čeabetčiŋa maid Emma oaččui eksámenskeaŋkan- ja dan oktavuođas rahpasii maid áibbas ođđa máilbmi.
Čikŋa dagahii ahte son álggii dahkat dutkamušaid ja odne son identifiere iežas dego sápmelaš.
– Jáhkán lea leamaš hui buorre munnje, son muitala dán vahku 15 Minuvtta Sámis prográmmas.
Goarru gávttiid olbmuide
Váldit ruovttuluotta iežas identitehta ii leat álot nu álki. Anna-Stina Svakko lea duojár ja veahkeha dávjá olbmuid dákkár diliin nu ládje ahte son goarru gávttiid sidjiide. Bargu mii maiddai gáibida sohkadutkamuša vai diehta makkár gákti olbmui galgá leahkit.
Sáhttá muhtomin leahkit váttis olbmuide gávdnat dieđuid sin duogáža birra. Ja dan haga ii leat dušše váttis goarrut gávtti- muhto sáhttá maiddai šaddat váttis beassat sisa sámi servodahkii.
– Munnje lei gákti dehálaš, dat lei áidna vuohki čájehit mu sámi gullevašvuođa ovdal go ohppen giela son dadjá.
