Ohredahke viiddes guohtuneatnamat, mat leat Jiemties gitta Sjädtavaellieja ja Timrå gielddaide. Čearu meahcceeatnamiid stuorimus eaiggat lea SCA muhto soahpamuša jelgii sii fertejit ráđđádallat čearuin ovdal go álget čuollat meahci.
”SCA leat bealušmeahttumat”
Ohredahkes leat gallánan ja sii oaivvildit ahte SCA badjelgehččet sin.
– Sin meahccedoaibma lea bealušmeahttun min vuostá, čállá čearu ságadoalli Per Mikael Åhrén reivves gos muitala ahte Ohredahke geasuha sin mieđihusa meahccečuollamii.
Åhrén čállá ahte SCA:s leat 2 000 meahccečuollanilmmuhusat čearu guohtuneatnamiin.
”Fitnodat rihkko soahpamušaid”
Birasorganisašuvdna Greenpeace dorjo čearu ja sii dolle akšuvnna guovllus gos ledje čuollame, moadde miilla davvelis Sillre oarjjit Medelpades. Doppe sii bissehedje barggu. Greenpeace moaita SCA sakká.
– Sii leat rihkkon soahpamušaid čearun máŋggaid jagiid, dadjá Karolin Carlsson, Greenpeace diehtojuohkki.
Javascript är avstängt
MII LEA MEAHCCEDOALU STANDÁRDa?
FSC mearkkaša Forest Stewardship Council ja lea riikaidgaskasaš birasmerkejupmi meahccebuktagiidda.
Vai fitnodagat galget oažžut FSC-duođaštusa de sin meahccedoallu ferte váldit ovddasvástadusa ja vuhtiiváldit olbmuid ja luonddu.
Greenpeace oaivvilda ahte SCA eai olat FSC-standárda ja sis galggašii ribahit birasmerkejumi. SCA oaivvilda ahte sii olahit eanet go mii gáibiduvvo.