Diibma, skábmamánu loahpas, almmuhiii Stáhtakantuvra raporta gos cuiggodii sámedikki jođihanbarggu.

Earret eará lcuiggodii bealátvuođavárra, váilevaš dokumentašuvdna ja geas lea ovddasvástadus boazodoalus.

Sámedikki stivrajođiheaddji lea deaivan kulturministara Parisa Liljesstrandda (M) digástallat Stáhtakantuvrra raporta.

-Leai buorre čoahkkin. Dát lea Sámedikki vuosttaš lávki ovttasbargat ráđđhusain ja stáhtakantuvrra analiissa jelgii geahččalit buoridit sámedikki doaimmaid, muitala Jonsson.

“Vuoruhuvvon bargu”

Makkar ovddasvástádus lea stivrras?

-Mis lea dat stuorimus ovddasvástádus, ja dán mii dál váldit duohtan ja vuoruhit olles dán jagi.

Jonsson muitala ahte dál áigot ásahit parlamentaralaš bargojoavkku mas buot sámedikkibellodagat servet.

-Bargojoavkku ulbil lea geahččat stivrendokumeanenttaid ja eara doaibmabijuid mat leat dárbbašlaččat buoridit sámedikki barggu. Mii oaidnit ahte buot buoremus leat viiddes čovdosat.

“Duođalaš dilli”

Kulturministar čállá SVT Sápmi ahte dilli lea duođalaš.

“Moai goappašat dihte ahte lea duođalaš dilli. Buot doaimmat mat ruhtaduvvojit álmmolaš ruđain galget leahkit riekta, ulbillaččat ja beaktiliis jelgii doaibmat. Sámedikkis lea eanet iešstivrejeaddji go eara eiseválddit Ruoŧas ja ferte njulget váilevašvuođaid.

Son galga maid čuovvut movt sámediggi čoavdá váttisvuođaid.

“Mon lean árjjalaš joatkit čuovvut sámedikki barggu ja ovttas singuin gávdnat čovdosiid dáidda váttisvuođaide.