Dán čavčča leat viđás guođđán Duohtavuođakommišuvnna. Oktiibuot leat ovccis guođđán, láhttut, čálli ja ovddit sátnejođiheaddji, stáhtalaš guorahallama mas lea ulbmil guorahallat politihka sápmelaččaid vuostá áiggid čađa ja váikkuhusat das.
Kommišuvnnaláhttuin leat sihke ovttasbargováttisvuođat ja váttis dulkot ráđđehusa direktiivvaid ja dál muitala sáme- ja kulturministtar Parisa Liljestrand čavča moivvi.
– Mii oaidnit ahte jovkkus lea ovttasbargováttisvuođat ja movt dulkot direktiivvaid ja dál lea ráđđhus vuhtiiváldá dán dieđu, dadja son.
”Mii analyseret”
2022:s álggahuvvui Duohtavuođakommišuvdna, ja juo vuosttaš mánu heittii okta láhttu. Liljestrand nanne dan ahte moaitámušaid maid Kulturdepartameanta lea ožžon galga geavahuvvot vuođđun go virgádit ođđa láhttuid boatte áiggis.
– Ráđđehusa reaiddut dákkar guorahallamis leat direktiivvat. Mii leat dál analysereme mii lea dáhpáhuvvan ja movt mii galgat bargat ovddosguvlui.
”Váttis gažaldagat meannudit”
Eanetlogu láhttuin leat sierra akademaláš duogáš, ja sierra vásáhusat sámi áššiin.
Láhttu Marie B Hagsgårde lea ovdal dadjan Sámeradioi ahte sus váilo kulturgelbbolašvuohta – muhto Liljestrand ii jáhke ahte leat virgádan vearu olbmo.
– Mon jáhkán ahte sii geat leat kommišuvnnas dál ja leamaš leat mielas ja buriin dáhtuin álgán dan bargui. Muhto dát leat váttis gažaldagat meannudit ja hearkkes áššit ja mii fertet dan doahttalit.
Ráđđehus galga dál guorahallat dan dieđu maid lea ožžon vai sáhtta bargagoahtit viidáseappot. Bargu galga čilgejuvvot juovlamánu 1 beaivvi. 2025:s.