Aka Hansen, filbmadahkki, aktivista ja girječalli. Son lea oassi dekoloniseren- ja iehčanasvuođalihkádusas, lihkádus mii dál lea čalmmostahtton máilmmis máŋŋel Donald Trumpe vuodimeahttun árvalusain daid máŋŋemus vahkuid.
-Duohtavuohta lea ahte dát dáistalus alggii ovdal mu áiggi , mu váhnemat ja mu máttuid dáistaleapmi.
SVT Sápmi deaivvadii su cáfeas Nuukas ja son čájehii filmmais ja čállosiid si Instagrammasmaid son lea juohkán dáid maŋŋemus vahkuid.
Su čállosiid iehčanasvuođas ja oainnut ruonáeatnanlaččain leat almmuhuvvon stuora riikaidgaskasaš mediain.
-Mon háliidan čájehit earálágán gova min álbmogis, inuiihtain.
”Lea rivttiin sáhka”
1979 rajis lea Ruonáeatnamis iežas ráđđehus Rigsfællesskabetis, muhto dánska Folketingetis lea ovddasvástádus máŋgga guovlluin. 2009 iehčanasvuođalágas dadjo ahte ruonáeatnanlaččat mearridit ieža goas sii hálidit iehčanasvuođa.
-Mu oaidninguovllus lea rivttiin sáhka, dain rivttiin mii mis berrešii leahkit muhti ii leat. Dánmárku hupmá min ovddas, muhto sii eai dieđe movt mii eallit ja min árvvoštallamiid. Dat lea hui imáš.
”Mii fertet leat giitevaččat”
Aka Hansena girji ”Manifesti” almmuhuvvui diibma skábamanus. seaguhus guhkit čállosiin , divttain ja sosiala mediačállosiin, mat cájehit su dáistaleami eamiálbmogiid ovddas arktalaš guovlluun.
-Manifesti siskilda mu nieguid boahttevuođas ja jurdagiid dekoloniseremis. Lea suhttu, heahpatvuohta ja áŧestupmi.
Hansen čuiggoda ahte oallugat leat šaddan ođđásit árvvoštallat geat sii leat ja maid sii leat oahppan iežase birra. Son oaivvilda ahte dát lea váikkuhusat dekoloniserenproseassas.
-Mii leat bajasšaddan dainna ahte galgat leat giitavaččat ahte min leat gádjon koloniseremiin.
Son joatká:
-Go čállen dán girjji de jurddašin dávja daid nissoniid geat leat bajasšaddan Ruonáeatnamis rivttiid haga. Jus livčči vejolaš de dedikerelivččen girjji sidjiide.