Nuppástuhttindoarjaevttohus loktejuvvo Sámedikki dievasčoahkkimis mii dál lea jođus Sjädtavaellies. Dás vurdojuvvo garra digáštallan. Opposišuvdna leat juo ovdagihtii dieđihan ahte sii eai doarjjo evttohusa.
Eanet dego gielddat ja regiuvnnat
Dákkar nuppástuhttindoarjagat leat politihkkariin gielddain, regiovnnain ja riikabeaivvis ja dat mielddisbuvttálii de ahte sámedikkis livčči seamme vuogadat.
Politihkkar geas lea leamaš doaibma máŋga jagi ja de čelkkojuvvo eret galga son de oažžut 85 proseanta bálkkás. Mađi guhkit lea doaibman dađi guhkit áiggi oažžu doarjaga.
Jurdda lea ahte buvttadus galga máksojuvvot dan bottá go ovddeš politihkkar ohcá ođđa barggu, gávnnaha stivra.
Gråik: Eahpečielggas ruhtadeapmi
Sámiid Riikabellodaga Marianne Gråik moaita garrasit go evttohus boahtá easka dál. Son oaivvilda ahte dálá stivrras háliidit gádjut iežaset bálkkáid jus sii dáttege dáhppojit dán giđá válggaid.
Seammas son oaivvilda ahte lea eahpečielggas movt dan galga ruhtadit.
– Bušeahtas ii oidno movt dan galga ruhtadit ja dát boahtá váikkuhit 2026 bušeahta go dat 85 proseanta bálkkás bistá olles jagi, dadjá son.