Dát lea okta dain stuorimus prošeavttain dán rádjái Amerihkás.
Diibmá gaiko njealle buođu Klamath-eanus Amerihkás. Buođut mat leat 100 jagi addán elrávnnji 70 000 dallodoallui.
Unno guolit
Buođut leat moitojuvvon . Ovdal buđđuma leai eatnu oarjerittu buoremus bivdočahci gos 149 000 gonagasluosa ja 30 000 girjeluosa šadde juohke jagi.
Dáppe leat eamiálbmogat eallán jahkečuđiid. Muhto go buđđo eanuid de unno guolit.
”Mii sáhttit máhccat ruokto”
Leat dáistalan máŋggaid jagiid, earret eará eamiálbmogat ja dál leat gaikon buođud ja álgagoahtán divvut luonddu. Ja dassážii lea buot mannan bures.
-Dál mii sáhttit mahccat ruoktot, máhccat min kultuvrii ja álgit gođđit ođđa muitalusa Shastaálbmoga boahtte bulvii. Sii sáhttet fas dadjat ahte min máittuid eatnamat leat sin, dadja Janice Crowe, Shastaálbmoga oaivámuš, maid The Guardian muitala.
”Lea fámolaš ”
Váldá áiggi ovdal go lea ovdalaš luondu, muhto sii geat barget prošeavttain leat miehtemielagat. Čakčadálvvi leat ain eanet luosat oidnogoahtán eanus.
Biologa Toz Soto, Karuk- álbmot, oaidná čuvges boahtte áiggi. Su bargu lea fas luosa introduseret etnui ja son oaidná juo ahte čáhci lea buorránan.
Lea gal nu somá. Mu jurdagis lea ain diet fastes čahcebuođđu. Ja dál oaidnit eanu šadda duššefal wow, dadja son.
Maiddai Sámis digaštallet čáhcefámus. Dutki Åsa Össbo muitala jearahallamis makkar paralleallat leat Sámis ja prošeavttas Amerihkás.