Global-hub on Indigenous People´s food system čoahkkana dán vahkus olggobeal ON:a biebmo- ja eanadoalloorganisašuvnna (FAO) Italia oaivegávpogis, Romas.
Dan oktavuođas leat ceggen stuora lávu gaskku Roma gos guossohit sámi borramušaid.
– Mis lea sihke biergu- ja guollemális lunšai ja eahkedassii mis lea suovas biergu. Dat lea dakkárat maid mii borrat juohke beaivvi. Dáppe eai leat obage gullange vai máistán, dadjá Ayla Gáren Nutti, gii lea doppe bargame International Centre for Reindeer Husbandry (ICR) orgánisašuvnna ovddas.
Dutkit ja álgoálbmogat leat čoahkkanan ja ulbmil lea gávdnat ođđa geainnuid máhttui ja váldit vuhtii álgoálbmogiid máhtuid dahkat biebmugálvuvuogadagaid eanet bisttevažžán.
– Dáppe lea vaikko man olu beroštupmi, dáppe leat hui olu hommat olles áiggi ja olbmot juohke sajis máilmmis, dadjá Áyla Garen Nutti.
Maid olbmot atnet sámi biepmu birra?
– Sii orrot liikome das, olus leat bohtán lusa ja giitán biepmu ovddas ja rámidan dan, dadjá Nutti.