Dat ođđa organisašuvdna bidjoi johtui geasi álgogeažis ja šiehtadallamiin eai lean ovttaoaivilat. Leat ain digaštallamat sierra bargiid bargguid birra.

Suorggit leat bidjon oktii

– Suorggit leat bidjon oktii ja lea okta ossodathoavda dan sadjái go guokte. Eai leat rabas virggit, sii leat dahkan nuppástusaid daid jelgii, dadjá Laila Öberg, Saco-S sátnejođiheaddji.

Servvodatplánendoaimma ii leat dárbbašan seastit danin go lea ožžon eanet barggu dan viiddiduvvon ráđđadallanlága geažil. Leat máiddái bohtan eanet ohcamusat ahte cealkit dan davvi servvodatnuppástusa.

Giella, kultuvra ja IT

Stuorimus seastimat leat giella- ja kultuvrra surggiin šaddan gierdat. IT-suorggis leat maid šaddan seastit.

– Mon oainnan váralašvuođa ahte šaddá eanet buozalmasvuohta, hušša ja hejut bargobiras. Váldá guhkit áiggi oažžut vástádusaid ja muhtin bargguid ja ohcamušaid min fertet gieldit, jus ii čuoččo dárkilit ahte dat gullo min bargguide, dadjá Marie Enoksson.

Bargoveahka guođđá eiseválddi

Čállosis bargoaddái váuhedje fágat ahte seastimat sáhttet dagahit ahte gelbbolašvuohta jávká, go bargit ohcet ođđa virggiid. Balut leat duohtašuvvon, dadjá Marie Enoksson.

– Guovttis leaba heaitán, okta lea mannan ealahahkii ja vel guovttis leaba eretcealkán virggiin, muitala son.

Hoavda lea ovttaoaivilis suodjalusáittardeaddjiiguin

Sámedikki čállingottihoavda Lars-Ove Sjajn sávvá ahte eretcealkimat eai leat seastimiid geažil, ahte livččii goitge dáhpahuvvat.

– Mii leat ovttaoaivilis suodjalusáittardeaddjiiguin ja min leat dieđihan fágaservviid. Mii leat čuigon seamme váralašvuođaid, stuorimus hástálus dál lea ahte unnidit váralašvuođaid. Min fertet vuorohit ja váljjet eret, dadjá son.

Filmmas muitala čállingottihoavda Lars-Ove Sjajn iežas jurdagiid sámedikki ođđa organisašuvnna birra.