Sápmi
Programledaren Marit Kuhmunen Blom visar sin skattkista som ska fyllas med samiska berättelser i samiska lucköppning av årets julkalender.

Javascript är avstängt

Javascript måste vara påslaget för att kunna spela video
Prográmmajođiheaddji Marit Kuhmunen Blom lohpida giissá dievva sámi muitalusaid go lágida luŋkarahpama dán jagaš juovlakalendera oktavuođas. Foto: SVT

Illuda rahpat juovlakalenderluŋkkaid sámegillii: ”Sávan sámi veagat dovdet, ahte ožžot veháš eanet”

Uppdaterad
Publicerad

Marit Kuhmunen Blom dáidá okta sis geat veháš eambbo leat illudan dán jágáš juovlakalenderii.

Son rahpá juovlakalendera luŋkkaid sierra davvisámegielat prográmmas, mii ihttá Svtplay-bálvalussii juohke beaivve gitta juovllaide.

Luŋkarahpamis guovddážis leat sámi muitalusat, máidnasat ja sivdnádusat, mat sáhttet maid veháš issorasat.

– Sámi luŋkarahpan galgá leahkit vehá eanet sámi veagaide, ahte ožžot veháš eanet go dušše dan juovlakalendera. Ruoŧa veagaide sáhttá maid somá oaidnit, ahte sámi veagat gesset bajás mánáid veháš iežaládje, dadjá Kuhmunen Blom.

Davvisámegiella

Muitalusat miehtá Sámi

Luŋkarahpama muitalusaid leaba heivehan Oscar Östergren Njaita ja Annica Wennström geat leaba maid leamaš čállimin Muohtanieguid giehtačállosa. Govaid muitalusaide leaba sárgon Inga Wiktoria Påve ja Sunna Kuoljok.
Muitalusaiguin leat hálidan fátmmastit sámi viidát.

– Ovdamearkan lea muhtun guovlluin oarjánsámis lea stálus dušše okta čálbmi. Dat lei munnje amas, go mun lean álo gullan ahte stálus leat guokte čálmmi, himiha Kuhmunen Blom.

Juovlakalender Muohtaniegut ja Luŋkarahpan davvisámegillii lea oidnomis Svtplayas.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.

Davvisámegiella

Mer i ämnet