Trump háliida ain ahte USA galgá váldit badjel Ruonáeatnama. Nuukes lassána dál šurru go eai dieđe mii dál dáhpahuvva.
– Máŋggas ballet, goit dat boarrasat geat háliidit seailluhit Ruonáeatnama árbevieruid, dadjá nuorra olmmái SVT Sápmái.
Donald Trump joatká vuorjat ahte USA galgá váldit badjel Ruonáeatnama.
Köpenhamnas doallá dánska ráđđehus heahttečoahkkimiid.
Nuukas, Ruonáeatnamis, čuvvo albmot máilmmipolitihka seammas go šurru lassána.
– Máŋggas ballet go Trump veardiđa oastit Ruonáeatnama. Ieš mon anán ahte lea hui imaš danne go it sáhte dušše oastit riikka, dadjá nuorra nieida SVT Sápmái.
Filmmas gulat maid ruonáeatnanlaččat atnet go leat šaddan máilmmipolitihkalaš guovddážii.
SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.
