Oarbinaččat Ossian ja Ava Rosén leaba guokte dain čieža oahppiin geat dán lohkanbaji lohket eatnigieloahpahusa Stockholmmas.

– Dovda iežas erenoamážiin. Munnos vielljan lea suolemas giella maid munno váhnemat eaba ipmir, dadjá 8-jahkásaš Ava Rosén.

Sunno áhčči ii beassan oahppat sámegiela mánnán. Dan áiggi atne ahte lei boastut hupmat sámegiela. Muhto dál bidjet mánáid váldit giela ruovttoluotta.

Unnimus oasalasttin ovcci jahkái

Máŋga jagiid lassánedje sámi skuvlaoahppit geat ožžo eatnigieloahpahusa, muhto moadde jagi áigi nogai lassáneapmi.

Dál lea Ruoŧa vuođđoskuvlaoahppiid sámegieloahppiid lohku unnimus ovcci jahkái, ja dat joatká unnot. Dat lea čuolbma maid Skuvladoaimmahus lea fuomašan.

– Dađibahábut mii eat dieđe manin. Muhto gávnnahit ahte dat dagaha čuolmmaid boahtteáigái, dadjá Helena Lundgren, oahpahusráđđeaddi Skuvladoaimmahusas.

Ii mihkege čájet ahte eatnigieloahpaheaddjit dahje sámi oahppit leat unnon – dat lea vuoigaduvvon oahppiid oasalasttin mii lea unnon.

– Dat šadda hui váttis gielddaide ja earáide doalahit lága, rievtti boarrasiiddikšumii sámegillii, sámi giellaoahpahusa ja sámi ovdaskuvlla. Jos galgat gávdnat olbmuid dáidda virggiide de mii dárbbašit oahppiid geat lohket giela skuvllas, dadjá Helena Lundgren, Skuvladoaimmahusas.

Gáiddusoahpahus sáhtašii lasihit beasatlašvuođa

Sámeskuvlastivrras lea 2015 rájes bargogohččun fállat gáiddusoahpu olles riikkas gos eai gávdno oahpaheaddjit. Ja 2022 rájes sáhtta Skuvladoaimmahus máksit goluid no ahte oahppit besset oahppat sámegiela skuvllas. Muhto vaikko leat bidjan doaibmabijuid eatnigieloahpahussii de leat oahppit unnon.

– Dat lea duođalaš nuppástus maid min čuovvut dárkilit. Dávjá fertejit váhnemat váldit stuora ovddasvástadusa vai galget oažžut eatnigieloahpahusa. Sáhttá váldit guhkes áiggi gávdnat giellaoahpaheaddjiid ja skuvllat eai dieđit doarvái vuoigatvuođaid birra. Vejolašvuohta oažžut eatnigieloahpahusa juohke gielas ii leat seamme juohke sajis, dadjá Sara Omma Simma, Sámedikki giellaguovddáža hoavda.

Oainnat eanet Aktuelltes diibmu 21:00 SVT Playas ja SVT2:is