Ovdalaš áiggi dolvo duodjemáhtu buolvvas bulvii. muhto dál ii leat nu sát. Lea hárve nuorra guhte oahppá duddjot dál ruovttus.

-Lea rievdan veaháš, dál ii šat oahpat eadni ja áhkku duddjot nugo ovdal, dadja Sámi Duoji doaimmahusjođiheaddji Johanna Njaita.

Dál galgá Sámi Duodji geahččalit lágidit eanet mánáid- ja nuoraidgurssiid. Johanna Njaita lea goit vissis dasa ahte sin gursset eai nákce doalvut máhtu viidaseappot.

– Mon jáhkán ahte ruoktu ferte váldit dan ovddavástádusa ja oahpahit. Mon in jáhke ahte galga luohttit gurssiide, ferte gal čohkkát ovttas singuin geat máhttet. Sámi Duojis lea ovddasvástádus geahččalit oážžut eanet álgit duddjot.

Njaita buoremus rávvagat álgit duddjot

1. Don guhte háliidat oahppat, vuolit gáibádusaid. Váldá áiggi oahppat goarrut.

2. Vuortnut vánhemiid, áhku ja ádjá oahpahit.

3. Don guhte máhtát fertet maid bidjat áiggi dasa.

4. Duddjo álggos álccet juoidá.