Disdaga lei áigi geiget Davviriikkaid ráđi jahkásaš bálkkašumiid mánáid- ja nuoraidgirjjálašvuođas, filmmas, girjjalášvuođas, musiihkas ja biras kategoriijain.
Evttohaččat ledje earret eará Saia Stueng ja su davvisámegielat nuoraidromána ”Eallá dušše oktii” ja Fredrik Prost ja su davvisámegielat romána ”Leŋges hearggi Sáhčal fatnasa”.
Muhto ii goabbage vuoitán. Dán jagáš mánáid- ja nuoraidbálkkašumi vuittii dánskalaš Jakob Martin Strid iežas girjjin ”Den fantastiske bus” ja girjjálašvuođabálkkašumi vuoiti lei norgalaš Niels Fredrik Dahl iežas girjjin ”Fars rygg”.
Vuoitit visot kategoriijain ožžo 300 000 dánska ruvnnu, mii sulastahttá 459 000 ruoŧa ruvnnu.
Visot Vuoitit:
Mánáid- ja nuoraidbálkkašupmi – Jakob Martin Strid, Dánmárku.
Birasbálkkašupmi – Arnhildur Pálmadóttir, arkiteakta, Islánda.
Musiihkabálkkašupmi – Rune Glerup, buvttadeami ”Om Lys og Lethed” ovddas, Dánmárku.
Filbmabálkkašupmi – Dag Johan Haugerud, filmma ”Sex” ovddas, Norga.
Girjjalašvuođabálkkašupmi – Niels Fredrik Dahl, Norga.