Sápmi
till vänster Sametingets kanslichef Lars-Ove Sjajn, till höger en broschyr om ett språkläger för unga

Javascript är avstängt

Javascript måste vara påslaget för att kunna spela video
Čállingottihoavda Lars-Ove Sjajn, dadjá ahte sámediggi lea šaddan ráhkadit ieža plána jos Giellaguovddáža liigeruđat gessojit sisá. Foto: SVT

Sámi giellaguovđđáža boahtteáigi lea eahpesihkar

Uppdaterad
Publicerad

Maŋŋel stuora seastimiid sámedikki čállingottis – Sámi giellaguovddáš sáhttá leahkit áiton. Visot vuolgá das jos maŋemuš jagiid liigemeroštus guhkiduvvo.

– Mis lea dál jagi leamašan dialoga ráđđehusa čállinguovddážin muhto eat oažžo dieđu, dadjá čállingottihoavda Lars-Ove Sjajn.

Sámi Giellaguovddáš vuođđoduvvui 2010. Sin bargu lea ealáskahttit sámegiela ja movttidit eambbo olbmuid sámástit servvodagas. Ovdamearkka dihte sii lágidit leairraid nuoraide.

Gávdno njellji báikkiin

Guovddáš lea juhkojuvvon njellji báikái Sámis: Dearttnas, Staares, Jåhkåmåhkes ja Gironis.

Sámedikki čállingotti ođđa organisašuvdna ii leat rievdadan maidege Giellaguovddážá doaimmahusas. Muhto goitge sáhttet šaddat seastit.

Golbma jagi áigi ráđđehus juolludii eanet ruđaid, mii dagahii ahte ožžo guovttegeardán eanet bargiid, dál leat guoktenuppelogis.

Golbma jagi leat ožžon eanet ruđaid

Golbma jagi leat ožžon eanet ruđaid muhto ii leat diehtu movt dán jagi šaddá. Sámedikki čállingottihoavda šurra.

– Mis lea gearggusvuohta jos eat oaččo lasi doarjaga. Diehtu boahtá easka budjeahttaevttohusas.

Lars-Ove Sjajn dadjá ahte sámediggi lea šaddan ráhkadit ieža plána, jos doarjja nohkka.

Sáhttet go šaddat eambbo seastimat giellasuorggis?

– Juo, jos oažžut seamme ruhtadeami dego golbma jagi áigi de min fertet geahččat dan čađá, dadjá Lars-Ove Sjajn.

Leat jo váruhan bargiid

Geasset váruhedje bargiid Nášunálalaš giellaguovddážis unnitlogugielaide suoma, meänkieli, romani ja jiddisch. Guovddáš lea seamme dáfus dego Sámi giellaguovddáš ja soaitá lohpahuvvot jos eai oaččo stáhtalaš doarjaga.

Nášunálalaš giellaguovddáš álggahuvvui dušše golbma jagi áigi ja čakčat 2022 álggahuvvujedje meänkieli doaibmagat Gionis ja Badjeduortnusis.

Guldal maid sámedikki čállingottihoavda Lars-Ove Sjajn dadjá Giellaguovddáža boahtteáiggi birra filmmas mii lea badjelis.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.