Sámi rihppaskuvlaleaira bissehuvvui 2023:s go fertejedje dahkat rievdadusaid doaimmas máŋŋel moaitágiid earret eará váhnemiin.
Leaira dollui mannan geasi ja dál leat ráhkkaneami dán jagáš leirii mii lea geassemánus.
Nuorat leat juo oktii deaivvadan vai oahpásmuvvet guhtet guimmiideasetguin ja jođiheaddjiiguin ja ožžot dieđu movt leaira doaibmá. Sii galget oktii vel deaivvadit dán giđa.
Guokte ovdaleairra lea doaibmabidju maŋŋel Ruoŧa girku loahpparaportta oktiibidjamis. Váldoleaira lágiduvvo Gávtjávrries ja 35 nuora leat ilmmuhan rihppadoaluide Stensele girkus
Labba joatká leairahoavdan
2018 rájes lea Nils-Johan Labba leamaš leairahoavdan ja joatká ámmáhisvel dán geasi.
Dađistaga bohtet riedadusat dahkkot leairra doaimma hárrái ja Nils-Johan Labba ii háliit muitalit maidege ovdal go loahpparaportta doaibmabijut geavahuvvojit leairras.
– Mon lean lohpidan joatkit vel jagi, danin go ollu boahta dáhpáhuvvat leairra bargojoavkkus ja mon dovddan ahte lea ilá árrat heaitit, dadjá son