Leanastivra attii lobi doallat biilavuodjingilvvuid Upmejes Ođđajagimánu 24 beaivvi. Ran čearru váidalii golbma vuodjinmátkkiid sin guohtuneatnamiin ja váidalus bođii Fievrridanstivrii Guovvamánu 7 beaivvi, moadde beaivvi ovdal go gilvvut álge.
Fievrridanstivra ii geargan mannat čađa visot duháhiid áššebáhpiriid mat ledje áššis ovdalgo gilvvut nohke.
– Mis ii lean áigi geahččat dán ášši dárkilit ja addit dieđu, dadjá guorahalli Magnus Sjönnebring.
Moitet leanastivrra
Eiseváldi gávnnaha maid ahte leanastivrra mearrádus addit lobi leai ila lahka gilvvu álggaheami, sullii golbma vahku. Fievrridanstivra oaivvildit ahte sin almmolaš rávvagiin dadjet ahte mearrádus livčče galgat váldit árabut. Eiseváldi čállá ahte sis leat almmolaš rávvagat vai ”sin geat váikkuhuvvojit gilvolobiin dahje čájáhusain luottaid alde galget oažžut vejolašvuođa árvvoštallat mearrádusaid ođđasit buori áiggis ovdalgo gilvvut álget”. Muhto juristahoavda Per Lundström ii leat ovtta oaivilis.
– Vaikko lea váttes ášši, olu materiála ja mis leat stuora guorahallamat de in ane ahte sáhttá dadjat ahte dán ášši lea váldán guhkes áiggi meannudit.
Čearru moaitá: ”Min eat leat bidjan áigemeari”
Čearru moaitá ahte eai meannudan ášši ovdal gilvvu.
– Dat dahká ahte min riekti oažžut ášši árvvoštallon duššaduvvo. Sii leat čeavláid dieđihan ahte sii eai geargga meannudit ášši ovdalgo gilvvut álget, dajai Maidi Eira Andersson, Ran čearus SVT:ai .
Čearru váidalii njuolga áiggis.
– Dat lea áigemeari siste. Min eat leat bidjan dan áigemeari, dadjá Maidi Eira Andersson.