Dás lea leamáš sáhka máŋggaid jagiid, muhto prošeakta lea ádjánan. Muhto mánnodaga mearridii Girona gielddastivra ahte ođđa ássanguovllu gáhtat ožžot unnitlogugielat namaid.

– Dát čájeha min duohtavuođa. Dát gielat leat min birrasis Girona gielddas ja mii galggaleimmet leat hui čeavlát. dadjá Åsa Larsson Blind (Sámelisttu), Girona gielddapolitihkkár,  NSD:ai .

Gielddastivra mearridii ahte registreret golbma gáhttanama sámegillii, golbma meänkielii ja guokte suomagillii. Muhto molso guokte nama vai galga leat álkibut dadjat daid.

Diet dagahii maid digaštallama, go muhtin gáhttanamaid lea váttis dadjat.

– Fertet go mii álot leat geahččalangielda, fertet go mii álot leat vuosttamusat geahččalit juoga ođđasa? jearai Magnus Gustafsson (C).

”Galgat leat čeavlat”

Máŋga politihkkarat oaivvildedje ahte gávdnojit máŋga gilinama mat leat váttis dadjat.

– Mii galgat leat čeavlat go mis leat unnitlogugielat, dat sáhttá movttiidahttit olbmuid oahppat daid. Lean vissis ahte mu mánát ohppet dadjat Rávdogáhtta, dajai Roger Mikko (S).

Mearridedje maid gáhttanama ođđa girkoguvlui ja váldet dološ girkobáikki nama ovdalaš guovddážis.

Gáhtanamma lea Björkbacken ja iežá gielaide lea: Koivumäki, Koijutermä, Soahkedievvá.