Dán vahku lágiduvvojit rally-MM mehciin olggobealde Upmi ja lea leamaš garra digáštallan ovdal gilvvuid gos sáhttet vuodjit go Ran čearus leat bohccot rittuguovllus.
Mannan vahku váiddii čearru lobi mii guoská golbma vuodjinmátkái, muhto Fievrridanstivra lea dieđihan ahte eai suige geargga meannudit ášši ovdal go rally álgá.
Mannan basi gávdne golbma jápma bohcco geainnu nalde olggobealde Upmi ja čearru laktá dan rallydigaštallamii ja čearu váidimii.
Poliissat leat sádden govaid ja eará materialaid analysii, ja sii eai hálit dadjat maidege das ovdal go ožžot dieđu movt bohccot leat jápmán, muhto sii guorahallet jus lea vaššerihkkon.
”Balddihahtti ovdáneapmi”
Sámediggi dubme dáhpáhusa.
– Dát lea balddihahtti ovdáneapmi, ja olmmoš hirpmahuvvá ja suhttá go vašuhit elliid. Dát ii leat dohkálaš, dadjá ságadoalli Håkan Jonsson.
Sámediggi bargá polithkalaččat, vuosttažettiin ráđđehussii earret eará dásseárvvuin ja vaššerihkkumin, muhto barggut eai leat ovttaskas dáhpáhusat
– Mii eat gieđahala ovttaskas dáhpáhusaid, digáštallat duššefal obbalaččat.
Jonsson oaivvilda ahte dárbbašuvvojit eanet deaivvadanbáikkit gos olbmot besset deaivvadit ja dovddedit nuppi.
– Dás ferte juoga dahkkot vai dát ii dáhpáhuva boahttevuođas, dadjá Håkan Jonsson.
RSR: ”váivehuvvan ja ballu”
Maiddái RSR:a kommentere mannan vahku dáhpáhusa.
– Mii leat hui váivehuvvan ja surrat dálá dilis ja maid boahtte áiggis.
Dađistaga go mii vásihit eanet polariserema ja seammás go almmolašvuođas ii dahkko iige dadjo mihkkege de dovdet min miellahttut ahte sis ii leat riekti. Dat lea dohkkemeahttun, demokrahtalaš ja vuoiggalaš vuođđojurdagat duššindahkkojuvvvojit, dadjá Jenny Wik Karlsson preassadieđahusas.